រាជធានីភ្នំពេញ៖ ក្រុមប្រឹក្សាភិបាលនៃធនាគារអភិវឌ្ឍន៍ជនបទ និងកសិកម្ម (ធ.អ.ជ.ក.) បានរៀបចំកិច្ចប្រជុំក្រុមប្រឹក្សាភិបាល អាណត្តិទី១០ លើកទី២ ដើម្បីត្រួតពិនិត្យ ពិភាក្សា និងអនុម័តលើ៖ សេចក្តីព្រាងផែនការថវិកាឆ្នាំ២០២៧, សេចក្តីព្រាងគោលការណ៍ឥណទានរថយន្តអគ្គីសនី, សេចក្តីព្រាងគោលការណ៍ឥណទានគាំទ្រគម្រោងលើកកម្ពស់ជីវភាពប្រជាជនភៀសសឹក នៅភូមិតាកឹងបៃតង ឃុំថ្មី ស្រុកគូលែន ខេត្តព្រះវិហារ របស់ ធ.អ.ជ.ក., គោលការណ៍សំខាន់ៗ និងរបៀបវារៈផ្សេងៗ។
ឆ្លៀតក្នុងឱកាសនេះ, ឯកឧត្តមប្រធានក្រុមប្រឹក្សាភិបាលនៃ ធ.អ.ជ.ក. បានកោតសរសើរចំពោះសមិទ្ធផល និងវឌ្ឍនភាពការងារដែលសម្រេចបាន និងបានផ្តល់អនុសាសន៍ឱ្យបន្តខិតខំប្រឹងប្រែងបំពេញការងារតាមផែនការដើម្បីសម្រេចបានសមិទ្ធផលកាន់តែប្រសើរបន្ថែមទៀត។
កិច្ចប្រជុំនេះត្រូវបានរៀបចំឡើងក្រោមអធិបតីភាពដ៏ខ្ពង់ខ្ពស់របស់ ឯកឧត្តម រស់ សីលវ៉ា រដ្ឋលេខាធិការនៃក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាភិបាលនៃ ធ.អ.ជ.ក. នារសៀលថ្ងៃអង្គារ ១រោច ខែអស្សុជ ឆ្នាំមមី អដ្ឋស័ក ព.ស.ពីរពាន់ប្រាំរយចិតសិប ត្រូវនឹងថ្ងៃទី២៧ ខែតុលា ឆ្នាំ២០២៦។
